近日本地疫情告急，Omicron 喺社區迅速傳播，確診數字持續上升，家長同小朋友面對病毒同憂慮，加上出現症狀或確診後會被迫居家隔離或入院接受治療，恐懼同無助嘅感覺，極需要適切嘅心理支援幫助。有見及此，國際獅子總會中國港澳 303區宣佈推出由臨床心理學家參與編製的兒童新冠染疫復康指南，涵蓋繪本小冊子、電子書同短片，加上家長指南及實用資料，以輕鬆方式說明兒童與家長面對受感染或懷疑感染時需要嘅心理準備，讓家庭成員安心在家或醫院康復，以及作為家長照顧兒童嘅指南！
Omicron 令市民措手不及，加強防疫措施、接種疫苗、接受檢測嘅需要突然排山倒海，家長忙於兼顧自己同子女嘅健康已經應接不暇，兒童又較易感染病毒、病情較嚴重嘅趨勢令家長憂心，兒童留院接受治療時難免感到被孤立同恐慌，戰勝病毒後都有可能留下心理陰影。啟發獅子會製作兒童新冠染疫復康指南，緩解家長同兒童心理壓力，讓市民安心渡過疫境。
繪本的內容講述兩位確診兒童分別在家同喺醫院隔離嘅情況、指導家長如何應對確診兒童嘅心理影響等，有興趣嘅家長歡迎上網查閱！
